01/08/2021
អនុលេខាប្រចាំការគណៈកម្មាធិការបក្សខេត្ត ប្រធានក្រុមប្រឹក្សាប្រជាជនខេត្ត គឹមង៉ុកថាយ សួរសុខទុក្ខ ប្រគេនទេយ្យវត្ថុដល់បណ្តាវត្តខ្មែរនៅទីក្រុងត្រាវិញ
កាលពីរសៀលថ្ងៃទី២៩ កក្កដា លោក គឹមង៉ុកថាយ អនុលេខាប្រចាំការគណៈកម្មាធិការបក្សខេត្ត ប្រធានក្រុមប្រឹក្សាប្រជាជនខេត្ត រួមជាមួយថ្នាក់ដឹកនាំគណៈកម្មាធិការរណសិរ្សមាតុភូមិវៀតណាមខេត្ត និង សមាគមសម្ព័ន្ធនារីខេត្ត បានអញ្ជើញទៅសួរសុខទុក្ខព្រះសង្ឃវត្តអង្គរាជបុរី(វត្តអង្គ) វត្តកំពង់ នៅសង្កាត់ទី១ និងមណ្ឌលធ្វើចត្តាឡីស័កសុខាភិបាលលេខ៣ (សាលាមធ្យមសិក្សាបាលី-ខ្មែរ) នៅសង្កាត់ទី៨ ទីក្រុងត្រាវិញត្រូវរងឥទ្ធិពលអាស្រ័យអាសន្នរោគជំងឺកូវីដ-១៩។
នៅតាមទីកន្លែងទៅសូរសុខទុក្ខ លោក គឹមង៉ុកថាយ បានចែករំលែកនូវការជួបលំបាកជាមួយព្រះចៅអធិការ ព្រះសង្ឃព្រមទាំងប្រជាពុទ្ធបរិស័ទត្រូវរងឥទ្ធិពលអាស្រ័យដោយអាសន្នរោគជំងឺកូវីដ-១៩។ ពិសេសគឺអនុវត្តសារាចរលេខ16/CT -TTg ចុះថ្ងៃទី៣១ មីនា ឆ្នាំ២០២១ របស់នាយករដ្ឋមន្ត្រីនៃរដ្ឋាភិបាល ស្តីពីអនុវត្តបណ្តាវិធានការបន្ទាន់បង្ការ ប្រឆាំងអាសន្នរោគជំងឺកូវីដ-១៩ និងសារាចរលេខ 09/CT-UBND ចុះថ្ងៃទី១៨ កក្កដា ឆ្នាំ២០២១ ស្តីពីគម្លាតសង្គមបង្ការ ប្រឆាំង អាសន្នរោគជំងឺកូវីដ-១៩ នៅលើភូមិសាស្រ្តខេត្តបានជះឥទ្ធិពលមិនតិចទេដល់ជីវភាពរស់នៅរបស់ព្រះចៅអធិការ ព្រះសង្ឃនិងប្រជាពុទ្ធបរិស័ទ។
អនុលេខាប្រចាំការគណៈកម្មាធិការបក្សខេត្ត គឹមង៉ុកថាយ បានស្ងើចសរសើរ កត់ត្រានូវការរួមចំណែកយ៉ាងសកម្មរបស់ព្រះចៅអធិការ ព្រះសង្ឃ និងប្រជាពុទ្ធបរិស័ទបានពង្រីកស្មារតីសាមគ្គីជនជាតិ សាមគ្គីសាសនា សកម្មរួមចំណែកជាមួយជាមួយរដ្ឋអំណាច រណសិរ្សនិងបណ្តាអង្គការមហាជនគ្រប់លំដាប់ថ្នាក់អនុវត្តល្អការងារបង្ការ ប្រឆាំងអាសន្នរោគជំងឺកូវីដ-១៩។ ក្នុងនោះជំរុញមាំបង្កើនការផ្សព្វផ្សាយ ចលនាព្រះសង្ឃគ្រប់ព្រះអង្គ និងប្រជាពុទ្ធបរិស័ទប្រតិបត្តិល្អសារ៥K របស់ក្រសួងសុខាភិបាល និងគម្លាតសង្គមទៅតាមស្មារតីសារាចរលេខ១៦ របស់នាយករដ្ឋមន្ត្រីនៃរដ្ឋាភិបាលក្នុងបង្ការ ប្រឆាំងអាសន្នរោគជំងឺកូវីដ-១៩។ ព្រមជាមួយនោះគឺជាបណ្តាសកម្មភាពផ្សព្វផ្សាយ ចលនាប្រជាពុទ្ធបរិស័ទជួយឧបត្ថម្ភបណ្តាវត្ថុប្រើប្រាស់ចាំបាច់ដើម្បីជួយបណ្តាគ្រួសារជួបលំបាកក្នុងតំបន់ចត្តាឡីស័ក បិទខ្ទប់អាស្រ័យដោយអាសន្នរោគជំងឺកូវីដ-១៩ នារយៈកាលកន្លងទៅ។
អនុលេខាប្រចាំការគណៈកម្មាធិការបក្សខេត្ត ប្រធានក្រុមប្រឹក្សាប្រជាជនខេត្ត គឹមង៉ុកថាយ រួមជាមួយថ្នាក់ដឹកនាំគណៈកម្មាធិការរណសិរ្សមាតុភូមិវៀតណាមខេត្ត និង សមាគមសម្ព័ន្ធនារីខេត្តបានប្រគេនដល់បណ្តាវត្តបានអញ្ជើញទៅដល់អំណោយមួយចំណែកៗរួមមាន អង្គរ២០០គីឡូក្រាម មី២០ប្រអប់ ស្ករមួយដើម និងស្ករគ្រាប់១ប្រអប់។
នៅក្នុងឱកាសនេះដែរ លោកគឹមង៉ុកថាយ បានអញ្ជើញទៅសួរសុខទុក្ខ ចែករំលែក លើកទឹកចិត្តកម្មាភិបាល យុទ្ធជនកំពុងបំពេញភារកិច្ចនៅតាមមណ្ឌលចត្តាឡីស័កប្រមូលផ្តុំលេខ៣ សាលាមធ្យមសិក្សាបានលី-ខ្មែរ ព្រមទាំងព្រះសង្ឃកំពុងធ្វើចត្តាឡីស័កប្រមូលផ្តុំនៅទីនេះ។ ឆ្លងតាមនោះ លោក ក្រើនរំលឹក លើកទឹកចិត្ត និងអំពាវនាវដល់កម្មាភិបាល យុទ្ធជនអនុវត្តល្អភារកិច្ចបានប្រគល់ និងព្រះសង្ឃត្រូវប្រតិបត្តិល្អបណ្តាវិធានការក្នុងការបង្ការ ប្រឆាំងអាសន្នរោគជំងឺកូវីដ-១៩ ចំពោះស្ថានភាពប្រែប្រួលស្មុគស្មាញដូចសព្វថ្ងៃ៕
×